Transcription
1
Reçue à grenoble, le 21 janvier 1573.
2
Monsieur, jey receu la votre, le XVIIe du present, faisant mention de
3
lhoneur que nous faictes de prandre la peyne de veoir
4
les differens que j’ey auecq le seigneur de Meyrieu, part
5
la quelle me mandés quil seroit bon assopir les procès
6
que nous avons ensemble part le mouyen desquels
7
nous sommes entré en jeu. Le procès don est la
8
source cest dung Charlin pourt lequel son pretandu
9
archier sollicteroit lhors de lexcès commis contre moy,
10
du quel je demande reparation ; lequel procès ledit
11
seigneur de Meyrieu poursuit contre moy soubs le non
12
de Charlin, chose de peu de value et soubs couleur
13
d’une vente qu’il dict avoir verbale de certains biens
14
qui mont esté vendus, faicte au paravant la mienne et
15
sans argent. La vente que j’ay est par escrit et en bonne
16
forme, le pris estant bien payé, suyvant laquelle je suys
17
en possession des biens part sentence du vibailif de Vicq ;
18
laultre est dune rivière de Sanes qui m’appartient d’ancienneté
19
avecque tiltre onereus de monsieur le conte du Bouchaige,
20
lequel a prins le faict pourt me garentir comme il est tenu
21
laquelle riviere il, seigneur de Meyrieu, dict aveoir aberge
22
du roy, lequel abergemant il na volu communiquer, combien
23
que la court ayent ordonné il y a long temps que dans trois
24
jours il le communiquereoit après le commandemant faict
25
à peyne d’estre descheu du proffit d’iceluy # [# part aynsi en est forclos] le tiers est
26
de rante quil me deoilt, son père mayant recogneu et
27
luy mesme ayant payé à mes recepveurs pourt quelques
28
années la dicte rante, laquelle mest dues instemant
29et de ce il y a [barré : sent ] quelque sentence randue à Vienne
30
contre luy. Voyla tout les procès qui sont entre nous.
31
En toutz ce faict, je me suys conduict en toutte modestie
32comme si vous plaict le verrés [barré : pour ] ^ [^ part] le faict que je vous
33
laysses là où est contenu notre different, le reste nestant
34
que chose bien menue ne meritant que payemant, commant
35
il scait bien quil me deoilt et est chose equitable.
36
Et serois bien marry de demander chose quil ne me feust
37
[88 v°] dues, voulant suyvre votre advis au faict de lhoneur comme
38
vous ay dict aulx fins que je soye veu de vous
39
monsieur et de tous seigneurs d’honeur raisonnable,
40
vous offrant humble service, en saluant vos bonnes
41
graces de mes bien humbles recommandacions, priant
42
Dieu,
43
monsieur, qu’il vous donne en santé, bonne vie et longue.
44
De votre maison de Mespieu, votre maison, ce XVIIIe janvier
45
1573.
46
Votre humble serviteur
47
Mespieu